Қазан айының 2-4 жұлдыздарында өткен «Мұра институттары қоғамды орнықты дамыту жолында» атты тақырыпта Қазақстан архившілерінің II халықаралық Конгресі өткен болатын.

Іс-шара барысында өзгермелі климат жағдайындағы архивтеудегі қиындықтарды жеңу, мұра институттары және қоғамның тарихи жадын қалыптастыру тақырыптары аясында өрбіп, баяндамалар оқылған етін.

Конгреске Жамбыл облысының мемлекеттік архивінен «Автоматтандырылған архивтік технологиялар, ақпараттық желі мен деректер қорын құру» бөлімінен қатысқан басшысы өткен іс-шараны резюмелеп және тұжырымдап семинар-есеп өткізді.

Астана қаласындағы Қазақстан Республикасы Ұлттық архивінде архив қорының құжаттық ақпарат жіктеуіш әзірлеу жөніндегі жұмыс тобының отырысы өтуде.

Бұл жұмысшы топтың негізгі мақсаты әр өңірден келген сарапшылардың республика көлемінде бірыңғай құжаттық ақпарат жіктеуішін әзірлеу болып табылады.

Отырыс барысында топ мүшелері ақпараттық салалары бойынша ұсыныстарды, ескертулерді қарастыруда.

Жіктеуіште мемлекеттік басқару, сот, қаржы, статистика, еңбек, өндіріс, құрылыс, көлік, байланыс, ауыл, орман, су шаруашылығы, сауда, білім, тәрбие, ғылым, өнер және тағы да басқа салалар қамтылған.

Алматы қаласында 2-4 қазан күндері «Мұра институттары қоғамды орнықты дамыту жолында» атты тақырыпта Қазақстан архившілерінің II халықаралық Конгресі өтуде.

Іс-шара барысында өзгермелі климат жағдайындағы архивтеудегі қиындықтарды жеңу, мұра институттары және қоғамның тарихи жадын қалыптастыру тақырыптары аясында өрбіп, баяндамалар оқылды.

Конгреске Өзбекстан, Қытай, Ресей секілді алыс-жақын шет мемлекеттердің азаматтары мен қатар, өңірлік архив басшылары мен мамандары, облыстық архивтің автоматтандырылған архивтік технологиялар, ақпараттық желі мен деректер қорын құру бөлімінің басшысы А.Қыстаубай қатысты.

Мәдениет және ақпарат Министрлігінің бастамасымен 2022 жылы «Балалар жылына» орай «Архив және болашақ ұрпақ» атты республикалық жобасы бастау алған болатын. Игі дәстүр биыл да жалғасын тапты.

Жобаның мақсаты архив құжаттарын пайдалана отырып, өңіріміздің тарихын зерттеуге оқушыларды, студенттерді, жас зерттеушілерді кеңінен тарту, іс-шаралар кешенін ұйымдастыру.

Отанға деген патриоттық сезімін ояту, ұрпақтар сабақтастығын сақтау, архив құжаттарын насихаттау және архив саласының имиджін арттыру, «архивист» мамандығының маңыздылығы мен қызығушылықты арттыру, өскелең ұрапқты ғылыми –зерттеу жұмыстарына тарту болып табылады.

Биыл «Архив және болашақ ұрпақ» ашық есік күніне орай «Қайта жаңғырған тарих: зұлмат жылдар халық жадынан өшпейді» атты тақырыпта дөңгелек үстел ұйымдастырылды.

Іс-шараға Жамбыл облысы әкімдігінің цифрландыру және архивтер басқармасы басшысы Руслан Маскауович, Тарихи-мәдени ескерткіштерді қорғау және қалпына келтіру дирекциясының директоры Қ.Дәурембеков, журналист Е.Әбдиев, Тараз қалалық мемлекеттік архивінің директоры Н.Серікбаев, облыстық архив директоры мен бөлім басшылары, М.Х.Дулати атындағы Тараз өңірлік университеті мен Ш.Мұртаза атындағы Халықаралық Тараз инновациялық институтының тарихшы-ғалымдары мен студенттері қатысты.

Дөңгелек үстел барысында 2020 жылдың 24 қарашасында Президент Қасым-Жомарт Тоқаев саяси қуғын – сүргінге ұшыраған азаматтарымызды одан әрі ақтап, жазықсыз жазаланған жандарды нақтылап, тарих алдында ақ – қарасын айқындау мақсатында құрылған өңірлік комиссиялар жұмысы таныстырылды.

Шара соңында облыстық архив сақтауындағы ашаршылық, ұжымдастыру, тәркілеу, депортация, әскери тұтқындарға қатысты құжаттық негізде көрме көпшілікке таныстырылды.