1

ҚАЗАҚСТАН РЕСПУБЛИКАСЫ ПАРЛАМЕНТІ МӘЖІЛІСІНІҢ ДЕПУТАТЫ МЕЙРАМБЕК МЫЛТЫҚБАЙҰЛЫ ОБЛЫСТЫҚ АРХИВТЕ

        Бүгін Қазақстан Республикасы Парламенті Мәжілісінің депутаты, Жамбыл облысының тумасы Мейрамбек Мылтықбайұлы киелі қара шаңырақ облыстық архивке арнайы ат басын бұрды. Алдымен мекеме директоры К.Сәттібайұлы ұжым мүшелерімен таныстырса, бөлім басшысы С.Зейнуллаұлы Мәжіліс залында орналасқан облыстың тыныс-тіршілігінен хабар беретін көрме құжаттарына жеке-жеке тоқталып архивтік құжаттың тарихынан ақпарат берді.
       Дөңгелек үстел басында Мейрамбек Мылтықбайұлы алдағы өткелі тұрған референдум, қоғамммен байланыс, ауыл-аймақ, қала, облыста орын алып отырған түйткілді мәселелер мен ең бастысы адамның рухани баюы жөнінде кеңірек тоқталып, ұжымға слиқалы ойын жеткізді.
Шара соңында Жамбыл облысының бірінші басшылары атты кітаптың екі томдығы сыйға берілді.



Әдістемелік және тәжірибелік көмек

      «Жамбыл облысының мемлекеттік архиві» КММ-нің Ұлттық архив қорын қалыптастыру, архивтерді және құжаттаманы тексеру бөлімінің қызметкерлері Г.Кулибаева мен Д.Атышева облыстық архивтің жинақтау көзіндегі «Қазақстан Республикасының Мемлекеттік қызмет істері агенттігінің Жамбыл облысы бойынша департаменті» РММ-гі ведомстволық архивінде сақтауда тұрған құжаттарды ғылыми-техникалық өңдеуден өткізу бойынша әдістемелік және тәжірибелік көмек көрсетуде.



Цифрлы форматқа көшіру жұмыстары жалғасын табуда

       Комиссия мүшелері электронды цифрлы форматқа көшірілген “Жамбыл қалалық еңбекші депутаттар Кеңесінің Атқарушы комитеті” №7 қор құжаттарының №2 тізімдемесіндегі №81-90 бумаларға кезекті тексеру жұмыстарын жүргізді.
Қордың жай-күйі, тізімдемелердің титулдық парақшасы, парақтарының сапалы, әрі дұрыс түсірілгендігі қор істерімен салыстыра тексерілді.
#ЦИФРЛЫҚҚАЗАҚСТАН, #Архив2025



АУДАНДЫҚ АРХИВКЕ ІС-САПАР

        Үстіміздегі жылдың мамыр айының 12-13 күндері Жамбыл облысы мемлекеттік архивінің бөлім басшысы С.Зейнуллаұлы саяси қуғын-сүргін құрбандарын жұмыстары негізінде Талас ауданы Қаратау қаласында орналасқан «Талас аудандық мемлекеттік архиві» КММ-да іс сапарда болды.
Іс-сапардың алғашқы күні мекеме қоры, тізімдемелермен танысып, құжаттарға тапсырыс берілді.
Құжаттарды зерделеу барысында Талас, Сарысу атқару комитеті, Шолақтау жұмысшы поселкелік атқару комитетінің құжаттары арасынан 1946 жылы Талас ауданына арнайы қоныстандырылған қарашай, шешен, ингуш ұлт өкілдерін колхоздарға орналастыру, үй-жай және жұмыспен қамтамасыз ету, 1932 жылдары көшпелі қазақтарды отырықшыландыру, азақ-түлікпен қамтамасыз ету, 1930 жылдары Талас ауданы бойынша халықты ұжымдастыру, 1933 жылдардағы ішкі көші-қон және олардың Әулиеата – қаласына топтасуы, 1945-1946 жылдары Шолақтау поселкесіндегі тау-кен байыту комбинатында жұмыс істеген жапондық әскери тұтқындардың зираттары, нан дайындау науқаны жөнінде архивтік құжаттар анықталды.
Қаратау кен байыту комбинатының құрылысына 1945-1946 жылдары жапон әскерінің тұтқындары жұмыс істеген. Бұл жөнінде архивтік құжаттар анықталып, олардың жерленген жерін іздестіру үшін комбинат маңайына шағын экспедиция жүргізілді.



Архив- мемлекет тарихының сақтаушысы

      Архив қоры шегінде сақтау бірлігін есепке алу және жіктеу бірлігі болып табылғандықтан, қағаз негізіндегі архивтік құжаттардың сақтау бірлігі іс болып табылады.Осыған орай Жамбыл облысының мемлекеттік архивінің мемлекеттік сақтаудағы істердің,істер тізімдемесімен салыстыра отырып,нақтылануда.
«Құжаттардың бірыңғай элекрондық архиві»бағдарламасына енгізудің негізгі шарты-істердің толықтығы,жай-күйі, тізімдемедегі істердің жиынтығы,есептік құжатқа енгізілген мәліметі.
Бағдарлама аясында Әулие-ата уезінің кезеңіндегі ескі құжаттарға жаңарту жұмысы қоса атқарылуда,жоғарыда атқарылған жұмыстар аяқталған соң, «Элекрондық нұсқаға көшіру» сатысына ауысады.
Архив- мемлекет тарихының сақтаушысы деп бекер айтылмаған.
«Шаң басқан архив талай сырды шертеді».Қалың ,ескі папкілерді қораптармен қаптап,үстіне тозаң қондырмай, көздің қарашығындай сақтап отырған архивистердің еңбегі зор.



Ұлы Жеңістің 77 жылдығына орай «ЖАМБЫЛ ОБЛЫСЫНДА ҚҰРЫЛҒАН ӘСКЕРИ ҚҰРАМАЛАР» атты көрме

     Биыл Ұлы Жеңістің 77 жылы атап өтілуде. Уақыт өткен сайын соғыс аты алыстағанымен оны зерттеу әлі жалғасып келеді. Осы жылы архив құжаттары негізінде соғыс жылдары біздің өңірімізде құрылған әскери құрамалар жөнінде іс-шара өткізуді ұйғардық.
     Көрмеде облысымызда құрылған 81-ші және 105-ші әскери дивизиялар, сондай-ақ жеке атқыштар және инженерлік-құрылыс батальондары, үш жұмысшы батальоны, бес теміржол ротасы және газсыздандыру отрядының құрылуы, олардың жеке құрамдары мен тарихы туралы мәліметтер қамтылған.



АРХИВ САЛАСЫНЫҢ МАМАНДАРЫНА ӨТКІЗІЛГЕН КЕЗЕКТІ СЕМИНАР-САБАҚ

        Ұлттық архив қорын қалыптастыру, архивтерді және құжаттаманы тексеру бөлімі облыстық архивтің мамандарына «Құжаттардың бірыңғай электрондық архиві» ақпараттық жүйесі тақырыбында сабақ өткізді. Күн тәртібінде «Е-архив» ақпараттық жүйесіндегі «Толықтыру көздері» модулі қарастырылды. Оның ішінде облыстық архивтің жинақтау көзі болып табылатын мекемелердің бақылау істерін енгізу, есебін жасау тәртібі түсіндіріліп, қосымша слайдпен көрсетілді.