Жамбыл облысының мемлекеттік архиві Ұлттық архив қоры құжаттарының қор құрамы мен көлемін, деректер жиынтығын «Құжаттардың бірыңғай электрондық архиві» ақпараттық жүйесіне енгізу көзделген. Осыған орай мемлекеттік сақтаудағы дыбыстық құжаттардың статистикалық есебін нақтылай отырып, техникалық тексеруден өткізу жоспарланып отыр. Техникалық тексеруден өткізу, электрондық нұсқаға көшіру – заман талабы.

Мониторинг бойынша Қазақстан Республикасының 1998 жылғы 22 желтоқсандағы «Ұлттық архив қоры және архивтер туралы» №326-1 Заңы, Қазақстан Республикасы Үкіметінің 2018 жылғы 31 қазандағы «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» №703 қаулысы, Қазақстан Республикасы Үкіметінің 2018 жылғы 19 қыркүйектегі Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидалары туралы» №575 қаулысының талаптарын басшылыққа ала отырып, облыстық архивтің жинақтау көзі тізіміндегі «Жамбыл облысы әкімдігінің білім басқармасы» КММ іс жүргізу және архив ісі бойынша тиісті әдістемелік көмек көрсетілді.

Жамбыл облысының мемлекеттік архиві архивтік құжаттарға қолжетімділікті қамтамасыз ету мақсатында, қолданыстағы заңнамалық актілердің талаптарына сәйкес, толықтыру көзі болып саналатын- Жамбыл облысы әкімінің аппараты қызметкерлерінен құралған комиссия мүшелерімен бірлесе отырып, сол мекемеге қатысты құжаттарға мақсатты сараптау мен зерделеу жұмысы атқарылуда.

Комиссия тобы мемлекеттік сақтаудағы ғылыми -техникалық құжаттар яғни жобалық немесе конструкциялық істердің атауын, объект шифрін, жоба атауын, кезеңін, бөлігін нақты тізімдемемен салыстыра отырып, тексеру жұмысын жүргізді.