«АРХИВ ЖӘНЕ БОЛАШАҚ ҰРПАҚ» АТТЫ РЕСПУБЛИКАЛЫҚ ЖОБАСЫ АЯСЫНДА АШЫҚ ЕСІК КҮНІ

Жамбыл облысы мемлекеттік архиві «Ерлік» мемориалдық кешенінің «Даңқ» залында Мәдениет және спорт Министрлігінің бастамасымен «АРХИВ ЖӘНЕ БОЛАШАҚ ҰРПАҚ» атты республикалық ашық есік күнін өткізді.

Іс-шараға Тараз қаласы әкімдігі білім бөлімінің №36 және 35 орта мектептің 7-9 сынып оқушылары, «Парасат» колледжінің 1-курс студенттері, М.Х.Дулати атындағы Тараз өңірлік университетінің «Тарих» факультетінің 1-курс студенттері және БАҚ өкілдері барлығы 98 көрермен қатысты.

Іс-шарада Жамбыл облысы мемлекеттік архивінің атқаратын қызметі туралы қамтылған ақпараттық стенді, мәдениет саласына еңбегі сіңген ардагерлер мен зиялы тұлғалардың жеке тектік құжаттары негізінде «Жамбыл облысының мәдениет қайраткерлері» атты көрме, Ленинград заң институына қатысты облыстық архивте сақтаулы архивтік құжаттар, 1945 жылғы «Коммунист» газет тігінділері, соғыс жылдары Жамбыл жеріне эвакуацияланғандар жөніндегі мәліметтер, 1941 жылы маусым айында, Бас қолбасшының бұйрығы бойынша 105 дербес ұлттық атты әскер дивизиясы, 81 гвардиялық атты әскер дивизиясы, 678 жеке атқыштар батальоны, дербес инженерлік құрылыс батальоны, газсыздандыру отряды, 5 теміржол ротасы, 1914, 1913 және 1919 жұмысшы батальондарының жасақталуы жөнінде ақпараттар қамтылған көрмелер ұйымдастырылды.

ЖАМБЫЛ ОБЛЫСЫ МӘСЛИХАТЫНЫҢ БАС ИНСПЕКТОРЫ РҮСТЕМ АЙДЫНБЕКОВ ЖАМБЫЛ ОБЛЫСЫ МЕМЛЕКЕТТІК АРХИВІНІҢ ТЫНЫС-ТІРШІЛІГІМЕН ТАНЫСТЫ.

30-ТАМЫЗ ҚАЗАҚСТАН РЕСПУБЛИКАСЫНЫҢ КОНСТИТУЦИЯСЫ КҮНІНЕ ОРАЙ ҰЙЫМДАСТЫРЫЛҒАН ҚҰЖАТТАР КӨРМЕСІ

Қазіргі таңда халықаралық аренадағы, экономикадағы, әлеуметтік-тұрмыстық саладағы қол жеткен оң жетістіктеріміздің барлығы мемлекеттігіміздің сара саясатын айқындап берген даңғыл жолымыз – Қазақстан Республикасының Конституциясынан бастау алады.

Ата заңымыз мемлекетіміздің іргесін нығайтудағы қарышты қадамдардың қалыптасуы мен орнығуына, саясат сахнасында Қазақстан Республикасының қанат жаюы жолындағы бірден-бір бастаушы заң, серпінді сенім, әділет жолын көрсетер айшықты құжаты.

Міне, сол біздің бүкіл жарқын істеріміздің қайнар бастауына айналған Ата Заңға 28 жыл толып отыр.

Ғасырлар тоғысында әлемдік өркениеттің шыңына ұмтылған Қазақстан халқы тарихы да тағдырлы шешім қабылдап, жасампаз жаңа дәуірге қадам бас¬ты.

Осыған орай, Жамбыл облысы әкімдігінің мәдениет, архивтер және құжаттама басқармасының ұйымдастыруымен 30-тамыз Қазақстан Республикасының Конституциясы күніне орай «Баласағұн» мәдениет сарайында іс-шара ұйымдастырылды.

Іс-шараға Қазақстан Республикасы Президенті архивінің бірінші санатты архивисті Тәжібаева Бекзат Тоқанқызы мен сарапшы Дүйсенова Гүлжан Нұржұманқызы арнайы шақырылды. Президент архивінің қызметкерлері өз тарапынан Ата заңымызға қатысты архивтік құжаттардан тұратын көрме ұйымдастырып, Жамбыл облысының әкімі Н.Нұржігітов бастаған зиялы қауым өкілдеріне түсіндірме жұмысын жүргізді.

Көрменің тақырыптық-экспозициялық жоспары 1993-2000 жылдарға арналған 20 экспонатты біріктіреді. Экспонаттар архивтік құжаттардың, фотосуреттердің көшірмелері түрінде ұсынылған. Барлық экспонаттар тақырыптық-экспозициялық жоспарда хронологиялық тәртіпте, қысқаша аннотациямен көрсетілген.

ТЕКСЕРУ ЖҰМЫСТАРЫ ЖҮРГІЗІЛДІ.

Мекеме сақтауындағы №209, №215, №220 қорларға кезекті тексеру жұмыстары жүргізілді. Құжаттардың бар болуы мен жай-күйі тексерілді.

ӘДІСТЕМЕЛІК КӨМЕК

Қазақстан Республикасының 1998 жылғы 22 желтоқсандағы «Ұлттық архив қоры және архивтер туралы» №326-1 Заңы, Қазақстан Республикасы Үкіметінің 2018 жылғы 31 қазандағы «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» №703 қаулысы, Қазақстан Республикасы Үкіметінің 2018 жылғы 19 қыркүйектегі Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидалары туралы» №575 қаулысының талаптарын басшылыққа ала отырып, облыстық архивтің жинақтау көзі тізіміндегі «Жамбыл облысы әкімдігінің денсаулық сақтау басқармасы Жамбыл облыстық психикалық денсаулық сақтау орталығы» ШЖҚ МКК, «М.Х.Дулати атындағы Тараз өңірлік университеті» КЕАҚ, Жамбыл облысы әкімдігінің мәдениет, архивтер және құжаттама басқармасының «Жамбыл облыстық тарихи- өлкетану музейі» КМҚК, Жамбыл облысы әкімдігінің мәдениет, архивтер және құжаттама басқармасының «Тарихи-мәдени ескерткіштерді қорғау және қалпына келтіру дирекциясы» КММ іс жүргізу және архив ісі бойынша тиісті әдістемелік көмек көрсетілді.

“ТЕРРОРИЗМ МЕН ЭКСТРЕМИЗМ – ЗАМАНАУИ ӨРКЕНИЕТТІҢ БАСТЫ ҚАУІП-ҚАТЕРІ” АТТЫ ДӨҢГЕЛЕК ҮСТЕЛ

Жамбыл облысы мемлекеттік архивінің мәжіліс залында архив қызметкерлеріне экстремизм, терроризм туралы түсінікті қалыптастыру, оның түрлері, себептері мен зардаптарын ұғындыру, қоғамның әлеуметтік, құқықтық, діни сипаттарын түсіндіру, террорлық, лаңкестік және діни экстремистік бағытта арандатушылыққа жол бермеу мен бейбітшіліктің маңызын және мейірімділік пен ізгілік жөнінде ой қозғалған “ТЕРРОРИЗМ МЕН ЭКСТРЕМИЗМ – ЗАМАНАУИ ӨРКЕНИЕТТІҢ БАСТЫ ҚАУІП-ҚАТЕРІ” атты тақырыпта дөңгелек үстел өткізілді.

Дөңгелек үстелге “Дін проблемаларын зерттеу орталығының” ақпараттық-түсіндіру бөлімінің инспекторы Атамқұлов батырбек Керімбайұлы арнайы шақыртылып, терроризм мен экстремизмнің қауіп-қатері жөнінде айтылды.

АРХИВТІК АНЫҚТАМАЛАР БЕРУ ЖҰМЫСЫН ЗЕРДЕЛЕУ

Жамбыл облысы мемлекеттік архивінің директоры Л.Қожаханова мен орынбасары А.Тыныбекова “Архив құжаттарын пайдалану” бөлімінің – архивтік анықтамалар, архивтік құжаттардың көшірмелерін немесе архивтік үзінділер беру жұмысын зерделеп, жетілдіруді тапсырды.