«1939-1945 жж. Фашистік германия, финляндия Және басқа еуропа елдерінде қамауға алынған қазақстандық әскери тұтқындарды, сондай-ақ «түркістан легионында» уақытша болған қазақстандық әскери тұтқындар бойынша материалдар жинау жөнінде тәжірибе алмасу туралы» тақырыбындағы топтық семинар

Саяси қуғын-сүргін құрбандарын толық ақтау жөніндегі мемлекеттік комиссияның қызметін сүйемелдеу жөніндегі жобалық кеңсесінің «1939-1945 жж. фашистік Германия, Финляндия және басқа Еуропа елдерінде қамауға алынған қазақстандық әскери тұтқындарды, сондай-ақ «Түркістан легионында» уақытша болған қазақстандық әскери тұтқындар бойынша материалдар жинау жөнінде тәжірибе алмасу туралы» тақырыбындағы топтық семинар өтті.
Аталмыш семинарда Жамбыл облысы мемлекеттік архивінің бөлім басшысы Сағындық Зейнуллаұлы өңірде атқарылып жатқан жұмыстар туралы баяндама оқыды.


«Қазіргі кезеңдегі архив ісі: мәселелер, тәжірибелер, инновациялар» конференциясы

20-21 қазанда «Рухани жаңғыру» бағдарламасы «Архив-2025» жобасы аясында және Қазақстан Республикасының Президентінің архивінің ұйымдастыруымен «Қазіргі кезеңдегі архив ісі: мәселелер, тәжірибелер, инновациялар» тақырыбында III халықаралық ғылыми-тәжірибелік конференциясы өтті. Іс-шара Қазақстан Республикасы Тәуелсіздігінің 30 жылдық мерейтойына орайластырылған.
Конференцияда әлемдік архив ғылымының жетістіктері және экономика мен қоғамның жеделдетілген технологиялық жаңғыруының тәжірибелерін, цифрлық технологияларды белсенді енгізу негізіндегі архивтер қызметінің жаңа мазмұнын ескере отырып, архив ісінің жағдайы мен даму келешегі талқыға салынды. Қоғамдық сананы жаңғыртудағы архивтердің рөлі, архив саласының жағдайы мен мәселелері, Қазақстан Республикасы Ұлттық архив қорының құжаттарының сақталуы және олардың қолжетімділігін қамтамасыз ету мәселелері қарастырылды.
Аталмыш конференцияға Жамбыл облысының мемлекеттік архивінің мамандары Ж. Есентаева және М.Саурыкова қатысып, еліміздегі архив саласындағы жұмыс барысы, архив ісіндегі мәселелер мен тәжірибелер туралы ақпарат алды.


ОНЛАЙН СЕМИНАРЛАР ЖАЛҒАСЫН ТАБУДА

Жобалық кеңсе мен Шығыс Қазақстан облысы әкімдігінің ұйымдастыруымен «1916-1930 жылдары түрлі зорлық-зомбылық саяси науқандары мен ашаршылықты өткізу барысында мемлекеттің жазалаушы акциялары мен биліктің саяси қуғын-сүргіндері нәтижесінде Қазақстаннан кетуге мәжбүр болған қазақстандық босқындар туралы материалдарды жинау бойынша тәжірибемен алмасу» тақырыбында онлайн семинар өткізілді.
Семинарға Мемлекеттік комиссияның жұмыс тобы мен Нұр-сұлтан, Алматы, Шымкент қалалары, Ақмола, Алматы, Ақтөбе, Атырау, Батыс Қазақстан, Жамбыл, Қызылорда, Қарағанды, Қостанай, Маңғыстау, Павлодар, Солтүстік Қазақстан, Түркістан, Шығыс Қазақстан облыстарының қуғын-сүргінге ұшырағандар санаты бойынша өңірлік комиссиялардың жұмыс топтары қатысты.
Жамбыл облысы мемлекеттік архивінің бөлім басшысы – Сағындық Зейнуллаұлы аталмыш семинарда “Саяси қуғын-сүргін зардабынан босқындыққа ұшырағандарды іздестіру, тәжірибе, ақпарат алмасу” тақырыбында баяндама жасады.
Онлайн семинар соңынан күн тәртібіндегі негізі сұрақтар бойынша қызу пікір алмасу болып өтті.


«ДӘСТҮРЛІ ДІН ӨКІЛДЕРІ – САЯСИ ҚҰҒЫН-СҮРГІН ҚҰРБАНДАРЫ БОЙЫНША МАТЕРИАЛДАР ЖИНАУ ТӘЖІРИБЕСІМЕН АЛМАСУ ТУРАЛЫ»

Жобалық кеңсе мен Түркістан облысы әкімдігінің ұйымдастыруымен «Дәстүрлі дін өкілдері – саяси құғын-сүргін құрбандары бойынша материалдар жинау тәжірибесімен алмасу туралы» тақырыбында онлай семинар өткізілді.
Семинарға Мемлекеттік комиссияның жұмыс тобы мен Нұр-сұлтан, Алматы, Шымкент қалалары, Ақмола, Алматы, Ақтөбе, Атырау, Батыс Қазақстан, Жамбыл, Қызылорда, Қарағанды, Қостанай, Маңғыстау, Павлодар, Солтүстік Қазақстан, Түркістан, Шығыс Қазақстан облыстарының қуғын-сүргінге ұшырағандар санаты бойынша өңірлік комиссиялардың жұмыс топтары қатысты.
Жамбыл облысы өңірлік жұмыс тобының жетекшісі, облыстық тарихи- мәдени ескерткіштерді қалпына келтіру дирекциясының ғылыми қызметкері – Абдиев Ерман Қанжанұлы өзінің баяндамасын оқыды.
Онлайн семинар соңынан күн тәртібіндегі негізі сұрақтар бойынша қызу пікір алмасу болып өтті.


Қуғын-сүргін құрбандары жайында онлайн семинар

«Большевиктік-сталиндік режимнің шаруаларға қарсы күшейтілген ұжымдастыру, сатып алу және басқа да саяси науқандарының құрбандары бойынша материалдар жинау жөнінде тәжірибе алмасу туралы» онлайн семинар
Ағымдағы жылдың 29 қыркүйек күні Жобалық кеңсе мен Алматы облысы әкімдігінің ұйымдастыруымен «Большевиктік-сталиндік режимнің шаруаларға қарсы күшейтілген ұжымдастыру, сатып алу және басқа да саяси науқандарының құрбандары бойынша материалдар жинау жөнінде тәжірибе алмасу туралы» тақырыбында онлай семинар өткізілді.
Семинарға Мемлекеттік комиссияның жұмыс тобы мен Нұр-сұлтан, Алматы, Шымкент қалалары, Ақмола, Алматы, Ақтөбе, Атырау, Батыс Қазақстан, Жамбыл , Қызылорда, Қарағанды, Қостанай, Маңғыстау, Павлодар, Солтүстік Қазақстан, Түркістан, Шығыс Қазақстан облыстарының қуғын-сүргінге ұшырағандар санаты бойынша өңірлік комиссиялардың жұмыс топтары қатысты.


ZOOM бағдарламасы арқылы семинар-сабақ өткізілді

Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидалары бойынша онлайн семинар
31.08.2021 жылдың сағат 15.00-де Жамбыл облысы әкімдігінің мәдениет, архивтер және құжаттама басқармасының «Жамбыл облысының мемлекеттік архиві» коммуналдық мемлекеттік мекемесі қазіргі карантин жағдайына байланысты жинақтау көздері болып табылатын 50 мекемеге Ұлттық архив қорын қалыптастыру, архивтерді және құжаттаманы тексеру бөлімі Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидалары бойынша ZOOM бағдарламасы арқылы семинар-сабақ өткізді. Мекеме қызметкерлері семинар-сабақ басында әңгімеге қызу араласып, өздерін толғандырып жүрген мәселелер бойынша сұрақтар қойылып, сұрақтарға нақты жауаптар берілді.


«Терроризм – бүгінгі ғасырдың дерті» атты дөңгелек үстел

23.07.2021 жылы Жамбыл облысы әкімдігінің мәдениет, архивтер және құжаттама басқармасының «Жамбыл облысының мемлекеттік архиві» коммуналдық мемлекеттік мекемесі, «Жамбыл облыс әкімдігінің дін істері басқармасының» инспекторы Бекмолдаев Бексұлтанның жетекшілігімен «Терроризм – бүгінгі ғасырдың дерті» атты тақырыпта дөңгелек үстел өткізді.
Дөңгелек үстел басында діни төзімсіздік, діни экстремизм және терроризмнің адамзат қоғамына шынайы қауіпі, олардың XXI ғасырдың анағұрлым өткір мәселелердің бірі екендігі тілге тиек етілді. Конфессияаралық келісім мен диалогты жетілдірудің, қоғамды, әсіресе жастардың санасын улаған діни экстремизм мен терроризмнен арашалап алудың жаңа тәсілдерін іздеу қажеттілігі жеткізілді. Аталмыш тақырыпта жиын барысында бейнеролик көрсетілді. Архив қызметкерлері әңгімеге қызу араласып, өздерін толғандырып жүрген мәселелер жөнінде ой бөлісіп, сұрақтар қойылып, сұрақтарға нақты жауаптар берілді.