«АРХИВ ЖӘНЕ БОЛАШАҚ ҰРПАҚ» АТТЫ РЕСПУБЛИКАЛЫҚ ЖОБАСЫ АЯСЫНДА АШЫҚ ЕСІК КҮНІ ӨТТІ

Қазақстан Республикасының Президенті Қ.К.Тоқаев 2022 жылды «Балалар жылы» деп жариялағанын жақсы білеміз. Ол балаларға ерекше назар аудару керектігін атап өтіп, балалардың әл-ауқаты мемлекетіміздің табысты болашағының сенімді кепілі болып табылатынын атап өтті.

Мәдениет және спорт Министрлігінің бастамасымен «Архив және болашақ ұрпақ» атты республикалық жобасы басталды.

Бұл жобаның мақсаты архив құжаттарын пайдалана отырып, өңіріміздің тарихын зерттеуге балаларды кеңінен тарта отырып, іс-шаралар кешенін ұйымдастыру. Ата-бабалар тарихын, салт-дәстүрді зерттеуге тарту, Отанға деген патриоттық сезімін ояту, ұрпақтар сабақтастығын сақтау, архив құжаттарын насихаттау және архив саласының имиджін арттыру, «архивист» мамандығының маңыздылығы мен қызығушылықты арттыру, өскелең ұрапқты ғылыми –зерттеу жұмыстарына тарту болып табылады.

Бүгінгі жиынға өлкетанушы, ардагер ұстаз, Т.Рысқұлов ауданының Құрметті азаматы Әлі Бекқұлы, Жамбыл облысы Тараз қаласы әкімдігінің білім бөлімінің №8 орта мектептің 8-9 сынып оқушылары, Жамбыл облысы әкімдігінің мәдениет, архивтер және құжаттама басқармасы басшысының орынбасары С.Мәдиева, Жамбыл облысы мемлекеттік архивінің директоры, жазушы, Қазақстанның еңбек сіңірген қайраткері Көсемәлі Сәттібайұлы және БАҚ өкілдері қатысты.

Алдымен оқушыларға қоймада сақтаулы құжаттарымен таныстырып, мәжіліс залына дайындалған облыстық архивте сақтаулы Әулиеата уездік, аудандық, атқару комитеті, Жамбыл облыстық атқару комитеті, партия құжаттары арасынан алынған 1917-1918 жылдар аралығындағы Әулиеата өңірін жайлаған аштық кезеңдеріне қатысты архивтік құжаттар, 1928 жылғы Меркі, Әулиеата аудандарынан тәркіленген байлардың тізімі, 1930-1933 жылдар аралығындағы нан, ет дайындау науқандары, 1941-1946 ж.ж. Жамбыл жеріне эвакуацияланған азаматтар жөнінде көрме ұсынылды. Өлкетанушы, ардагер ұстаз Әлі Бекқұлының соғыс тақырыбындағы әңгімесін тыңдап, оқушылар өздерін қызықтыратын тақырыпта сұрақтар қойылды.

Жиын соңында архив құжаттарына негізделіп жазылған «Әулиеата өңірі-архив құжаттарында» атты мақалалар жинағының тұсаукесер салтанаты өтті.

“АРХИВ ЖӘНЕ БОЛАШАҚ ҰРПАҚ” АТТЫ РЕСПУБЛИКАЛЫҚ ЖОБА АЯСЫНДА ӨТКЕН АШЫҚ ЕСІК КҮНІ

ЖАМБЫЛДЫҚ МАЙДАНГЕРЛЕРДІ ЗЕРТТЕУШІ, ӨЛКЕТАНУШЫ – БЕКҚҰЛЫ ӘЛІҰЛЫНЫҢ ҚҰЖАТТАРЫ АРХИВ САҚТАУЫНА ҚАБЫЛДАНУДА

МАЙДАНГЕР ТАРИХЫН ЗЕРТТЕУШІНІҢ МҰРАСЫ АРХИВКЕ САҚТАУҒА ҚАБЫЛДАНУДА.

МАЙДАНГЕР ТАРИХЫН ЗЕРТТЕУШІНІҢ МҰРАСЫ АРХИВКЕ САҚТАУҒА ҚАБЫЛДАНУДА

Әлі Бекқұлы Әліұлы көпшілік оқырмандарға таныс деп ойлаймыз. Өз ауданы Тұрар Рысқұлов ғана емес, облысқа танымал өлкетанушы, ауданынның құрметті азаматы, ардагер ұстаз.

Жер жаһанды кезбесе де Ресей, Белорус елдерінің біраз жерлерін шарлап, оның ішінде Ленинград,Петербург, Новгород,Тверь, Волоколомск, Зубцовск, Ржев, Великие Луки, Смоленск, Псков, Воронеж, Тула, Минск, Гомель, Брест қалаларына барып, жауынгерлер зиратын тауып, ресми деректер мен құжаттар жинаған. «Парыз» қоғамдық бірлестігін құрып, жат жерде қаза тапқан жамбылдық майдангерлер жөнінде келер ұрпаққа мол мұра қалдыра білген жан. Осы майдангерлер туралы деректерді жинастырып, көпшілікке «Парыз» атты кітабын ұсынды. Кітапта көпшілікке беймәлім жандардың есідері мен құнды деректері қамтылған.

Осы ретте қазыналы қарттың мұрасын архивке қабылдап, жас зерттеушіге жеткізуді архив қызметкерлері місе тұтты десек артық айтқандық емес. Ізгілікті істі өзі бастап, архивке Ресей Федерациясының Белгород, Ворнеж, Псков, Ржев, Брянск әскери комиссариаттарынан алынған жамбылдық майдангерлер тізімі, Брест қамалын қорғаған майдангерлер, хат алмасулары, «Парыз» атты кітабы, мараппатаулары, өмірбаяны мен жеке бас суреттері облыстық архивке қабылдануда.

Саяси қуғын-сүргін құрбандарына арналған ескерткішке гүл шоқтарын қою рәсімі өтті!

Жамбылдықтар саяси қуғын-сүргін және ашаршылық құрбандарын бір минут үнсіздікпен еске алып, гүл шоқтарын қойды.

Шараға қатысушылардың қатарында облыс әкімі Нұржан Нұржігітов, Жамбыл облысы әкімдігінің мәдениет, архивтер және құжаттама басқармасының басшысы Ерлан Жүнісбаймен қатар облыстық және қалалық мәслихаттардың, Ардагерлер кеңестерінің, Қоғамдық кеңестердің, «Amanat» партиясы облыстық филиалының, этномәдени бірлестіктердің, мемлекеттік және құқық қорғау органдарының өкілдері, қайғылы кезеңде қаза тапқан марқұмдардың туыстары мен жақындары да болды.

Жамбыл облысының мемлекеттік архиві директоры Көсемәлі Сәттібайұлы да аталмыш жиынға қатысып, саяси қуғын-сүргін және ашаршылық құрбандарының рухына тағзым етті. Арнайы гүл шоғын облыс әкімдігінің мәдениет, архивтер және құжаттама басқармасының басшысы Ерлан Жүнісбай мен облыстық архив директоры Көсемәлі Сәттібайұлы қойды.

«СОҒЫС ЖЫЛДАРЫ ЖАМБЫЛ ЖЕРІНЕ ЭВАКУАЦИЯЛАНҒАН ЛЕНИНГРАД ЗАҢ ИНСТИТУТЫ»

Ұлы Жеңістің 76 жылдығына орай «СОҒЫС ЖЫЛДАРЫ ЖАМБЫЛ ЖЕРІНЕ ЭВАКУАЦИЯЛАНҒАН ЛЕНИНГРАД ЗАҢ ИНСТИТУТЫ» атты тақырыпта архивтік құжаттар негізінде ұйымдастырылған көрме

Биыл Ұлы Жеңістің 76 жылы атап өтілуде. Уақыт өткен сайын соғыс аты алыстағанымен оны зерттеу әлі жалғасып келеді. Осы жылы архив құжаттары негізінде соғыс жылдары Жамбыл облысына эвакуацияланған мекемелер мен өзге ұлт өкілдері жөнінде іс-шара өткізуді ұйғардық. Соның бірі, Ұлы Отан соғысы жылдары Калинин атындағы Ленинград Заң институтының Жамбыл қаласына эвакуцияланған тың дерегі.

Соғыс жылдары ірі зауыт, фабрика, өнер, білім орындарының шалғайдағы Қазақстанға эвакуацияланғанын білеміз. Солардың арасында Ресейдің ең байырғы оқу орнының бірі саналатын – Ленинград Заң институты Жамбылға эвакуацияланғанын білдік.

Облыстық архивтегі құжатта Жамбыл облыстық партия комитетінің бірінші хатшысы М.Ткаченкоға Ленинград Заң институтының директоры Петровтың 1944 жылы маусым айының 13-інде жолдаған қатынас хаты сақтаулы екен. Онда 1944-1945 жаңа оқу жылына әзірлік мәселесі сөз болған. Аталмыш институттың бұл жылы Ленинградқа оралмайтындықтарын, жаңа оқу жылына жоспар бойынша 200 студентті қабылдау жұмыстары басталғанынан хабардар еткен. Осыған орай институт орналасқан Жамбыл қаласы Ленин көшесі, № 30, (бұрынғы Қазан революциясы атындағы) мектеп ғимараты күрделі әрі шұғыл жөндеуді керек ететіндігін, бұл жұмыстарға жергілікті атқарушы билік тарапынан көмек көрсетулерін өтінген.

Ленинград Заң институты Одақ көлеміндегі ең байырғы жоғарғы оқу орындарының бірі. Мұнда жоғары білімді, білікті маман профессор-оқытушы кадрлар еңбек еткен. Институт лекторлары облысқа қоныс аударғалы бері 700 ден артық лекциялар мен баяндамалар жасаған.

Заң институтының оқытушы – профессорлар құрамымен «Ғалымдар үйі» ашылған, оның төрағалығына профессор Л. И. Ловюцки бекітілген. «Ғалымдар үйінің» 36 мүшесі болған. Оның құрамына 7 профессор, 5 доцент, 11 ғылым кандидаты, 3 аға оқытушы, 7 тәжірибе стансасының ғылыми қызметкерлері, облыстық музейдің директоры, облыстық білім мекемесінің маманы және суретші енген.

«Коммунист» газетінің 9 мамыр күнгі санында «Прощальный вечер юридического института» тақырыбында шағын хабар басылған. Онда облыстық қазақ драма театрында үкіметтің қаулысына орай Ленинград Заң институтының Ленинград қаласына оралуына байланысты Жамбыл облысы жұртшылығымен қоштасу кеші өткен. Салтанатты кеште институт директорының ғылым және оқу жөніндегі орынбасары, профессор В. М. Догадов институттың Жамбыл қаласында өткізген еңбек жылдарын баян етіп, осынау қиын кезеңде қамқорлық пен қолдау көрсеткен облыстық партия комитетімен, облыс, қала жұртшылығына алғысын білдірген.

Осы деректерді жас ұрпаққа жеткізу мақсатында облыстық архив тарапынан «Соғыс жылдары Жамбыл жеріне эвакуацияланған Ленинград Заң институты» атты тақырыпта көрме ұйымдастырылды.

Көрмеде Ленинград заң институына қатысты облыстық архивте сақтаулы архивтік құжаттар, 1945 жылғы «Коммунист» газет тігінділері, соғыс жылдары Жамбыл жеріне эвакуацияланғандар жөніндегі мәліметтерді қамтиды.

НОВЫЙ ШАГ В НОВЫХ УСЛОВИЯХ

Состоялась встреча с членами группы, созданной для разъяснения общественности Послания Президента Республики Казахстан от 1 сентября 2020 года «Казахстан в новой ситуации: период действия» коллективу Государственного архива Жамбылской области.

#gallery-1 { margin: auto; } #gallery-1 .gallery-item { float: left; margin-top: 10px; text-align: center; width: 50%; } #gallery-1 img { border: 2px solid #cfcfcf; } #gallery-1 .gallery-caption { margin-left: 0; } /* see gallery_shortcode() in wp-includes/media.php */

Кездесуге жолдауды түсіндіру мақсатында «Тараз қаласының өзбек орталығы» қоғамдық бірлестігінің төрағасы Зайнут

С разъяснением послания пришли Зайнутдинов Абдурахман Юлдашевич, председатель ОО «Узбекский центр Тараза» и Ошанов Асылбек Эсенбаевич, главный специалист Жамбылского областного отделения Единого накопительного пенсионного фонда.

Было отмечено, что послание сейчас широко обсуждается и поддерживается людьми во всех регионах, а также важные вопросы, связанные с новым этапом модернизации Казахстана. Было сообщено, что проделана большая работа в области глобальной конкурентоспособности, торжества образования, улучшения социального положения населения.